एजेन्सी–मुस्लिमबहुल मुलुक यूएईको अबुधाबीमा पहिलो हिन्दू मन्दिर्को उद्घाटन गरिएको छ । मन्दिरको भारतीय प्रधानमन्त्री नरेन्द्र मोदीले हिजो उद्घाटन गरेका हुन् ।
बोचासनवासी श्री अक्षर पुरुषोत्तम स्वामीनारायण संस्था (बीएपीएस) ले यो मन्दिर निर्माण गरेको हो । यो संस्थाले विश्वभर १२ सयभन्दा बढी हिन्दू मन्दिर निर्माण गरेको छ । अबुधाबीको शेखर जायद राजमार्गनजिकै अल रहबामा अबु मुरेखा नामक स्थानमा निर्माण गरिएको यो मन्द्रि सर्वसाधारणका लागि भने मार्च १ देखि खुला हुनेछ ।
रोचक के छ भने मुस्लिम देशमा निर्माण गरिएको हिन्दू मन्दिरको मुख्य डिजाइनर क्रिश्चियन आर्किटेक्ट हुन् भने प्रोजेक्ट म्यानेजर शिख, डिजाइनर बौद्ध, कन्स्ट्रक्सन कम्पनी पारसी र डाइरेक्टर जैन धर्माबलम्बी हुन्।
मन्दिर निर्माण गर्नका लागि २० हजार वर्गमिटर जमिन यूएईका राष्ट्रपति शेख मोहम्मद बिन जायद अल नाह्यानले उपहारका रुपमा दिएका हुन् । यो मन्दिर निर्माण २०१९ डिसेम्बरमा सुरु गरिएको थियो भने यसको निर्माणमा भारतीय कालीगढहरु संलग्न थिए ।
रोचक के छ भने मुस्लिम देशमा निर्माण गरिएको हिन्दू मन्दिरको मुख्य डिजाइनर क्रिश्चियन आर्किटेक्ट हुन् भने प्रोजेक्ट म्यानेजर शिख, डिजाइनर बौद्ध, कन्स्ट्रक्सन कम्पनी पारसी र डाइरेक्टर जैन धर्माबलम्बी हुन्।
यो मन्दिरमा ७ वटा शिखर र ५ गुम्बज छन् । २ सय ६२ फिट लम्बाईको मन्दिरमा ५० हजार घनमिटर इटालियन मार्बल, १८ लाख घनफिट भारतीय स्यान्डस्टोन र १८ लाख पत्थरको इटा प्रयाग गरिएको छ । तर, फलाम या स्टिल भने प्रयोग गरिएको छैन । मन्दिर निर्माण गर्न २० हजार टनभन्दा बढी पत्थर र मार्बल ७ हजार कन्टेनरमा अबुधाबी लगिएको थियो ।
मन्दिरको प्रवेशद्वारमा ८ मूर्ति छन्, जो सनातन धर्मको आठ मूल्यको प्रतिक मानिएको छ । यहाँ निर्माण गरिएको एम्फीथियटर बनारस घाटको आकारको छ । एम्फीथियटरमा पानीका दुई धारा देखिनेछन्, जसले सांकेतिक रुपमा भारतको गंगा र यमुनालाई देखाउनेछन् ।
७ सय करोड रुपैयाँमा निर्माण गरिएको मन्दिर्मा एक विशाल एम्फीथियटर, एक ग्यालरी, पुस्तकालय, फूड कोर्ट र ५ हजार मानिस अट्ने सामुदायिक हल छ । यो मन्दिर अबुधाबीदेखि ३० मिनेटको दूरीमा छ ।
अबूधाबीमा २६ लाख भारतीय छन्, जुन त्यहाँको कूल जनसंख्याको ३० प्रतिशत हो । यस्तै, नेपालसहितका अन्य मुलुकका हिन्द्रू पनि त्यहाँ छन् ।
