काठमाडौं–आज फेब्रुअरी १० । आजका दिन विश्वभर के–के घटना भएका थिए त ?
१९९६ : आइबीएम कम्प्युटरले विकास गरेको डीप ब्लु नामक चेस सफ्टवेयर र विश्व चेस च्याम्पियन ग्यारी कास्पारोभबीच भएको चेस प्रतियोगिता अन्तर्गत ३ घण्टासम्म चलेको पहिलो राउण्डमा डीप ब्लु विजयी भयो । ६ राउण्डमा भएको उक्त प्रतियोगितामा ग्यारीले ३ राउण्ड जिते भने २ राउण्ड बराबरी भयो । प्रतियोगितामा भने ग्यारी विजयी भएर ४ लाख डलर पुरस्कार जिते । आइबीएमले उक्त सफ्टवेयर प्रतिसेकेण्ड २० करोड चाल मूल्यांकन गने क्षमताको बनाएको थियो । डीप ब्लु १९८९ मा विकास गरिएको थियो ।
२००५ : प्रख्यात नाटककार एवं ‘डेथ अफ अ सेल्सम्यान’ नाटकका लागि पुलित्जर पुरस्कार विजेता आर्थर मिलरको ८९ वर्षको उमेरमा निधन ।
२००९ : इरिडियम ३३ नामको अमेरिकी भूउपग्रह र कस्मस २२५१ नामको रुसी भूउपग्रह अन्तरिक्षमा एक आपसमा ठक्कर खाएर दुर्घटना ।
१९९० : ग्यालिलियो नामको यान जुपिटर ग्रहमा जाने क्रममा भेनस ग्रहनजिकै पुगेको थियो ।
१९४७ : इटाली, रोमानिया, हंगेरी, बुल्गेरिया, फिनल्याण्ड र अमेरिकी गठबन्धनबीच पेरिस शान्ति सम्झौता सम्पन्न ।
१९५४ : अमेरिकी राष्ट्रपति आइजनहावरद्वारा भियतनाममाथि आक्रमण गर्ने चेतावनी ।
१८४६ : ब्याटल अफ सोब्राअन नामले चिनिने पहिलो सिख युद्धमा ब्रिटिशले सिखमाथि विजयी हासिल ग¥यो ।
१८३७ : रुसी लेखक अलेक्जाण्डर पुस्किनको हत्या ।
