काठमाडौं–सर्वोच्च अदालतले स्वास्थ्य बिमा बोर्डका कार्यकारी निर्देशक डा दामोदर बसौलालाई निलम्बन गर्ने निर्णय कार्यान्वयन नगर्न अन्तरिम आदेश जारी गरेको छ ।
  
गत असोज २४ गते मन्त्रिपरिषद्को बैठकले उनलाई निलम्बन गर्ने निर्णय गरेको थियो । स्वास्थ्य तथा जनसंख्यामन्त्री मोहनबहादुर बस्नेतले डा बसौलालाई तीन महिनाका निम्ति निलम्बन गरिएको पत्र पठाएका थिए । निर्देशक पदमा रहँदा स्वास्थ्य तथा जनसंख्या मन्त्री मोहनबहादुर बस्नेतले पदीय जिम्मेवारी बहन गर्न अक्षम रहेको भन्दै उनलाई असोज ४ गते लिखित ११ बुँदे स्पष्टीकरण सोधेका थिए ।

निलम्बनको निर्णयविरुद्ध डा बसौला कात्तिक १७ गते सर्वोच्चमा रिट दर्ता गराएका  थिए । शुक्रबार न्यायाधीशद्वय हरिप्रसाद फुयाल र सुनीलकुमार पोखरेलको संयुक्त इजलासले न्यायाधीशद्वय  दामोदर बसौलालाई निलम्बन गर्ने निर्णय कार्यान्वयन नगर्न सरकारका नाममा अन्तरिम आदेश जारी गरेको हो ।

प्रकाशित मिति: शुक्रबार, पुस ६, २०८०