जन्ती बोकेको ट्याक्टर दुर्घटना हुँदा एकको मृत्युु, १० घाइते
धनगढी : धनगढीमा ट्याक्टर दुर्घटना हुँदा एक जना भारतीय नागरिकको मृत्युु भएको छ ।
बिहीबार दिउँसो धनगढी उपमहानगरपालिका १२ जुगेडा ‘बी’ गाउँमा भारतबाट जन्ती बोकेर आउँदै गरेको ट्याक्टर दुर्घटना हुँदा ट्याक्टरमा सवार अन्दाजी ३० वर्षका गोविन्द रानाको मृत्यु भएको जिल्ला प्रहरी कार्यालय कैलालीले जनाएको छ ।
दुर्घटनामा १० जना भारतीय नागरिक घाइते भएका छन् । सुदूरपश्चिम प्रदेश ००२ त ५८५२ नम्बरको ट्याक्टर दुर्घटना भएको हो । घाइतेहरूको सेती प्रादेशिक अस्पतालमा उपचार भइरहेको र मृतक रानाको शव पोष्टकार्टमका लागि सेती प्रादेशिक अस्पतालमै राखिएको प्रहरीले जनाएको छ ।
प्रकाशित मिति: बिहीबार, चैत २२, २०८० १७:०२
प्रतिक्रिया दिनुहोस्
थप समाचार
साताको लोकप्रिय
