Mero Chitwan
कालिकाको शिव पञ्चांग मन्दिरमा मंसिर १६ देखि धनधान्याञ्चल महायज्ञ गरिने

चितवन । कालिका नगरपालिका वडा नम्बर ६ कमलचोकस्थित शिव पञ्चांग मन्दिरमा यही मंसिर १६ देखि २४ गतेसम्म श्रीमद्भागवत महापुराण सप्ताह ज्ञान महायज्ञ हुने भएको छ । 

महायज्ञ आयोजना गर्न ५ सय १ मूल समारोह समिति गठन गरिएको छ । कालिका नगरपालिका संरक्षक रहने गरी गठन गरिएको समितिमा जनप्रतिनिधि, टोल सुधार समिति, स्थानीय बुद्धिजीवीलगायत सदस्य छन् । यस्तै कार्यक्रम सफल पार्न प्रचारप्रसार, आवास तथा भोजन, आर्थिक,खानेपानी तथा भण्डारण, पूजा व्यवस्थापनलगायत ११ वटा उपसमिति पनि गठन गरिएको छ । 

मन्दिरपछाडि सत्तललगायत भौतिक पूर्वाधार निर्माणका लागि रकम जुटाउने उद्धेश्यले महायज्ञ गर्न लागिएको शुक्रबार आयोजित पत्रकार सम्मेलनमा मन्दिरका सचिव नन्दलाल लामिछानेले जानकारी दिनुभयो । यो कार्यक्रम सामाजिक भावनाले उत्प्रेरित भएर गर्न लागिएको पनि उहाँले बताउनुभयो । 

प्रकाशित मिति: शनिबार, मंसिर १३, २०८२  ०७:४५
प्रतिक्रिया दिनुहोस्
Weather Update